مقولتش بحبك..... ولا حتى بعنيـــــــــــــــــــــا
ازاي الكلام ده كله تقوله في يوم عليــــــــــــــــا
عشان انا كنت بسكت واعدي كتير كـــــــــــــلام
تفتكر اني بحبك طب بس بلاش اوهــــــــــــــام
فوق يلا واصحى يابني كفايه كده احـــــــــــــلام
شوف بقى ياللي حاببني احسنلك يلا سيبنـــي
مش معنى اني جمبك تبقى تقدر يوم تحاسبني
كل الحكايه اني محتاجه ليك كصديــــــــــــــــــق
بس اوام نسيتها واختصرت عليك الطريــــــــــق
حبتني عشان لاقيتني دايما قصاد عينيــــــــــك
نسيت اني معاها قبل ماعرفها بيــــــــــــــــــك
ازاي فاكرني اقدر اخون في يوم صدقتـــــــــــي
انت كنت عاوزها هيا وبتحلم تاخد طريقتــــــــي
كلامي كان يغير كتير شعورك بيهــــــــــــــــــــا
وانا كنت باخد باللي واهرب من عينيهــــــــــــــا
واحس بيك تحاول تغير منها هيـــــــــــــــــــــــا
واسمع جواك يقول ياريتها تبقى هيـــــــــــــــــا
فاكرني بعد ده كله هاقدر اكون ويـــــــــــــــــاك
هو انت كنت فاكرني هنساها عشان هــــــواك
وكمان جايلي تقولي سبتها عشانك انتــــــــي
مش عارف ان كلامك بعيد قوي عن حقيقتـــي
كل اللي فكرت فيه صدقني مش مقبــــــــــول
تقريبا مستحيل ده كلام هو ده معقـــــــــــــول
ياريت تفوق من وهمك وتبعد من سكــــــــــات
احسن ما الدنيا تاخدك وتصبح ذكريـــــــــــــــات
وشوفلك حد غيري وانسى كل اللي فــــــــات
وانا لو عليا همحي خيالك من حياتـــــــــــــــي
ولو في يوم قابلتك هعمل مش واخده بالـــــي
بس ياريتك تحاول تبعد عني بكتيـــــــــــــــــــر
عشان انا صبري يابني بجد عليك قليـــــــــــل
مقولتش بحبك..... ولا حتى بعنيــــــــــــــــــا
ليست هناك تعليقات:
إرسال تعليق