حاسه بغربه وقلبي عليــل
عمري بيجري وهوا ضرير
حظي وبختي يا دنيا قليــل
حاسه بخنقه وضيقه وذل
ببطئ وسرعه سنيني بتمر
جوايا أهااااااات ودموع فعنيا
محبوسه وكتير بتعذب فيااا
ولاقادره انطق ولا حتى اتكلم
عماله انا أضحك وانا بتألـــم
...
أاااااه لو بطل قلبي يحس
...
محدش ممكن يوم يتخيل
إن انا حملي عليا تقييييل
جوا ضلوعي الجرح كبيير
عايشه ما بينكوا صلبه قويه
ومين في الدنيا دي حاسس بيا
بنزف دمعي جوا عيووووني
ولازم اداريه احسن يلوموني
انا ولا عارفه اعيش انانيه
ولا قادره اعمل نفسي غبيه
مش فارقه خلاص مانا شكلي قويه
...
فاهم حاجه ... حاسس بياااا
هاااا متقولي ... رد علياااا
...
جربت تعيش قلبك مكسور
مش شايف حتى بعينك نور
حسيت بمراره بُعد حبيب
ولا قساوته وهوا قريب
ماهو مش كل حبيب بيهني
ولا كل بُنىَ لازم هيعلي
جربت تعيش صوتك متحاش
ويضيع العمر في ثانيه بلاش
...
مش كل الناس بايتين في ميدان
ده القلب معبي كتير مليان
حياتنا دي عاوزه مِتينْ تحرير
ده بجد يا دنيا جراحنا كتيرررر
ليست هناك تعليقات:
إرسال تعليق